Возбудливо отворање на сезоната во фудбалската Лига на шампионите

Во првото коло од новата сезона во Лигата на шампионите во Торино, Јувентус и Борусија Дортмунд одиграа неповторливо второ полувреме, а натпреварот заврши без победник 4:4.

По многу тврд натпревар, без реални шанси во првото полувреме, во Торино следеше атомско второ полувреме со дури осум гола. Играта навистина се разгоре во второто полувреме, а сè започна со шанса на гостинскиот играч Бајер кој ја погоди стативата во 51. минута, а само минута подоцна Борусија поведе. Адејеми шутираше одлично од врвот на шеснаесетникот и постигна гол за прослава на гостинскиот тим.

Жестоко беше во Торино и по овој погодок, а следеа два одлични гола од далечина во рок од 60 секунди. Прво, Кенан Јилдиз израмни во 64. минута, но веднаш во следниот напад Нмеча постигна одличен гол и го врати германскиот тим во водство.

 

На Јувентус не му требаше долго време да одговори, а Душан Влаховиќ беше стрелец за 2:2. Сепак, дури ни тогаш тимот од Торино не уживаше долго во нерешен резултат. Поблискиот агол од домашниот гол беше прецизно и силно гаѓан од Јан Куто во 74. минута, а се чинеше дека сè е завршено во 86. минута кога беше досуден пенал за гостите, а Бенсебаини го реализираше за 4:2.

Уште еднаш, Јувентус имаше сила да се врати, овојпат од негатива од два гола. Влаховиќ постигна гол во 93. минута за 3:4, а потоа во 96. минута му асистираше на Кели, кој втрча во противничкиот шеснаесетник и со глава покрај заспаната гостинска одбрана погоди за конечните 4:4.

Со многу проблеми, Реал победи пред своите навивачи против Марсеј со 2:1 со пресврт и два удара од белата точка. На „Сантијаго Бернабеу“, шокот дојде во 22. минута, Веа го матираше Куртоа и го доведе Марсеј во водство. Сепак, Реал релативно брзо се врати од негативата. По прекршок врз Родриго, беше досуден пенал, а Килиан Мбапе постигна гол од белата точка во 28. минута за резултат од 1:1.

Реал се мачеше да го скрши противникот и да освои три бода, што стана уште потешко за мадриѓаните од 72. минута бидејќи Карвахал беше исклучен поради неспортски потег. Сепак, во 81. минута беше досуден нов пенал за Реал, а Мбапе повторно го реализирапе, овојпат за водство 2:1. До крајот, мадриѓаните некако успеаја да зачуваат минимална предност.

Големо изненадување се случи на стадионот „Луж“ во Лисабон, каде што азербејџанскиот шампион Карабаг ја победи Бенфика со 3:2 откако губеше со 0-2.

На почетокот од натпреварот се чинеше дека Бенфика ќе има појак шутерски тренинг против Карабах, бидејќи до 16. минута веќе водеше со 2:0. Прво, Баренечеа го начна азербејџанскиот шампион во шестата минута, додека Павлидис погоди за 2:0 во 16. минута. Сепак, по половина час игра, гостите го намалија резултатот на 1:2 со голот на Андраде, а дури можеа да израмнат до полувреме, но Бенфика прво беше спасена од рамката на голот, а потоа и од голманот Трубин.

Сепак, Карабаг израмни во 48. минута, Дуран постигна гол за 2:2, а целосниот пресврт се случи во 86. минута кога Кашчук постигна гол за неочекувание дури три гола на гости.

Тотенхем го победи Виљареал во Лондон со минимални 1:0, а натпреварот беше решен веќе во четвртата минута. Тогаш голманот на гостите Луиз Жуниор направи груба грешка и несмасно ја смести топката во сопствената мрежа, што всушност остана важечки резултат до крајот на дуелот.

globe

Слични новости