ВМРО ДПМНЕ е убедлив победник на локалните избори во Македонија со градоначалници во мнозинството општини во Македонија и градот Скопје. По долги години ВМРО-ДПМНЕ има свој градоначалник и во Кичево, Струмица и Карпош, а ја однесе победата во сите скопски општини со мнозинско македонско население освен Центар.
Кај албанскиот политички блок ДУИ беше поразен во сите значајни општини, а Влен има градоначалници во Тетово, Чаир, Струга, Дебар и ја доби пресметката со ДУИ во сите значајни албански општини, така што со само три мали општини ДУИ е еден од најголемите губиници на изборите.
СДСМ освои шест градоначалнички места за разлика од 16-те што ги имаа на претходните избори, кога по поразот тогашниот лидер на партијата Зоран Заев поднесе оставка.
ЗНАМ освои само една општина Куманово, каде што победи лидерот на партијата Максим Димитриевски во вториот круг, потешко од очекувањата и со ниска излезност.
Левица не освои ниту едно градоначалничко место, но голем успех за партијата беше што нивниот кандидат Амар Мециновиќ се пласираше во вториот круг за градоначалник на Скопје, каде што освои над 60 000 опозициски гласови.
Карактеристично за овие избори е слабиот одзив на избирачите од едвај 40 насто во вториот круг и голем број на неважечки ливчиња, што укажува на јасен тренд на незадоволство на граѓаните од политичките процеси во земјата.
Слични новости
Руте: Нуклеарните вежби покажаа дека НАТО има силни сили за одвраќање
Кога Русија користи опасна и непромислена нуклеарна реторика, нашето население мора да знае дека нема потреба од паника, бидејќи НАТО располага со силно нуклеарно одвраќање, изјави Руте.
Саем за храна со домашни производи и специјалитети од сите региони во Македонија
Под мотото „Вкуси ја традицијата преку домашна здрава храна“, Саемот ќе ги промовира производите „Македонско најдобро“. Саемот за храна ќе понуди богат избор на свежо овошје и зеленчук, млечни производи, мед, преработки од овошје и зеленчук и вино.
Променливо облачно време со локални врнежи од дожд
Времето денеска ќе биде променливо облачно со локални врнежи од дожд, кои повремено ќе бидат пообилни. Се очекува и невреме со пообилен пороен дожд, засилен ветер и појава на грмежи.