Властите во Венецуела прогласија општа воена мобилизација и воведоа „воен режим“ во клучните сектори, вклучувајќи ја нафтената индустрија и другите стратегиски гранки.
Одлуката доаѓа во момент на екстремна политичка и воена криза во Каракас чијапричина се, како што наведува владата на Венецуела, надворешни напади и загрозување на територијалниот суверенитет.
Според објавениот декрет оружените сили на Венецуела се целосно активирани ширум земјата, а државната инфраструктура и индустриските комплекси ќе бидат ставени под засилен армиски надзор.
Посебно се нагласува дека нафтениот сектор, кој е стратешки столб на венецуелската економија ќе биде милитаризиран, а работниците во тие компании привремено ќе бидат подложени на воен режим на работа.
Американскиот претседател Доналд Трамп изјави дека САД привремено ќе управуваат со Венецуела и ќе ја искористат нафтата на оваа земја за „поевтино снабдување на светскиот пазар“ и поправка на инфраструктурата.
Оваа најавена улога во управување со ресурсите на Венецуела предизвика остри реакции на меѓународните актери, вклучувајќи критики од Европа и Латинска Америка, кои ја окарактеризираа како „опасен преседан против меѓународното право“.
Слични новости
Германија ја одби поканата на Трамп за помош во Ормутскиот теснец
Германскиот министер за надворешни работи Јохан Вадефул изјави дека Берлин не гледа улога на НАТО во решавањето на ситуацијата во Ормускиот теснец.
Израелската армија навлезе во јужен Либан
Израелската војска соопшти дека почнала „целна копнена операција против клучни цели“ во јужен Либан, испраќајќи повеќе сили подлабоко во областа како дел од проширената тампон-зона
Трамп: НАТО го чека многу лоша иднина, ако не им помогне на САД во војната со Иран
Американскиот претседател Доналд Трамп предупреди дека НАТО се соочува со многу „лоша иднина“, доколку сојузниците на САД не помогнат во отворање на Ормутскиот теснец што го затвори Иран.