Рок иконата Брус Спрингстин објави протестна песна со наслов „Streets of Minneapolis“, која им ја посвети на жителите на Миннеаполис, како и на Алекс Прети и Рене Гуд, кои овој месец беа убиени од федерални агенти.
Спрингстин, кој и претходно јавно ја критикуваше политиката на администрацијата на Доналд Трамп и федералните акции против имигрантите, ги објасни мотивите за песната во изјава објавена на Фејсбук.
„Песната ја напишав во саботата, ја снимив вчера и ја објавувам денеска како одговор на државниот терор што се спроведува врз градот Миннеаполис“, напиша Спрингстин.
„Таа е посветена на луѓето од Миннеаполис, на нашите невини соседи имигранти и на споменот на Алекс Прети и Рене Гуд.“
Стихови за насилство и отпор
„Град во пламен се бореше со огнот и со ICE под чизмата на окупаторот. Приватната војска на кралот Трамп од Министерството за внатрешна безбедност, со пиштоли на појасот, дојде во Миннеаполис да го спроведе законот… или барем така гласи нивната приказна.“
„Граѓаните се кренаа за правда, нивните гласови одекнуваа низ ноќта“, продолжува песната.
„А таму каде што требаше да има милост, останаа само крвави траги. И две мртви тела оставени да умираат на улиците покриени со снег – Алекс Прети и Рене Гуд.“
„Ќе ја браниме оваа земја и странеците меѓу нас. Тука, во нашиот дом, убиваа и пустошеа во зимата ’26. Ќе ги паметиме имињата на оние што умреа на улиците на Миннеаполис…“
„Федералните насилници на Трамп го удираа по лицето и по градите. Потоа ги слушнавме истрелите и Алекс Прети лежеше мртов во снегот. Тврдеа дека станувало збор за самоодбрана – само не верувајте им на сопствените очи.“
Слични новости
Вештачката интелигенција „го оживеа“ Вал Килмер
На овогодинешниот СинемаКон во Лас Вегас, вниманието на светската филмска јавност го привлекоа ексклузивните кадри од филмот „Длабоко како гроб“. Филмот стана жешка тема откако креаторите објавија дека ликот на починатиот Вал Килмер целосно ќе биде рекреиран со помош на вештачката интелигенција.
Чарлс и Камила на изложба во чест на кралицата Елизабета Втора
Британскиот крал Чарлс Трети и неговата сопруга кралицата Камила присустсвуваа на изложбата „Кралицата Елизабета Втора нејзиниот живот со стил“, која се одржува во Бакингемската палата.
Во Пекинг полумаратон на роботи со повеќе од 300 хуманоидни учесници
Организаторите наведуваат дека околу 40 насто од роботите годинава ќе трчаат автономно, додека минатата година сите учесници беа контролирани со далечински управувачи.