Британците панично купуваат бензин во очекување на големи поскапувања

Британците денес почнаа панично да купуваат бензин поради војната на Блискиот Исток, со долги редици на бензинските пумпи во Лондон и низ цела Велика Британија, бидејќи возачите брзаа да наполнат гориво пред очекуваниот скок на цените на горивата.

Бензиските пумпи во Бекенам, јужен Лондон  привремено останаа без гориво, а многу возачи пристигнуваа со канистри за да се снабдат за подолг временски период.

Стравот од недостиг на гориво е забележлив и во други градови во Велика Британија, објавува „Дејли меил“.

Претставниците на британската автомобилска асоцијација АА ги повикаа возачите да не паничат и да не купуваат гориво во големи количини, но голем број граѓани го игнорираа овој апел. Вработените на бензинските пумпи во Велика Британија пријавуваат застој и хаотично снабдување.

Ситуацијата беше предизвикана од разгорувањето на конфликтите на Блискиот Исток, по што компаниите привремено го прекинаа транспортот на бродови преку Ормускиот теснец, кој е клучен пат за глобалниот транспорт на нафта и течен природен гас. Околу 20 проценти од светската нафта и 25 проценти од течниот гас минуваат низ оваа рута, а блокадата или прекинот на транспортот веднаш влијае на цените на енергетските производи.

Аналитичарите предупредуваат дека долгорочната блокада на Ормускиот теснец може да предизвика хаос на европскиот пазар на гас и да предизвика драстичен пораст на цените.

 

Слични новости

Орбан разговарал со Рубио за условите под кои унгарски МОЛ би го купил српскиот НИС

Унгарскиот премиер Виктор Орбан изјави дека разговарал со американскиот државен секретар Марко Рубио за условите под кои унгарската нафтена компанија МОЛ би можела да ја купи српската рафинерија НИС

САД ги намалија царините за тајванските чипови на 15 насто

САД и Тајван потпишаа трговски договор според кој Вашингтон ќе ги намали тарифите за тајванската стока на 15%, додека Тајпеи се обврза на план за елиминирање или намалување на тарифите за речиси сите американски стоки.