Британците денес почнаа панично да купуваат бензин поради војната на Блискиот Исток, со долги редици на бензинските пумпи во Лондон и низ цела Велика Британија, бидејќи возачите брзаа да наполнат гориво пред очекуваниот скок на цените на горивата.
Бензиските пумпи во Бекенам, јужен Лондон привремено останаа без гориво, а многу возачи пристигнуваа со канистри за да се снабдат за подолг временски период.
Стравот од недостиг на гориво е забележлив и во други градови во Велика Британија, објавува „Дејли меил“.
Претставниците на британската автомобилска асоцијација АА ги повикаа возачите да не паничат и да не купуваат гориво во големи количини, но голем број граѓани го игнорираа овој апел. Вработените на бензинските пумпи во Велика Британија пријавуваат застој и хаотично снабдување.
Ситуацијата беше предизвикана од разгорувањето на конфликтите на Блискиот Исток, по што компаниите привремено го прекинаа транспортот на бродови преку Ормускиот теснец, кој е клучен пат за глобалниот транспорт на нафта и течен природен гас. Околу 20 проценти од светската нафта и 25 проценти од течниот гас минуваат низ оваа рута, а блокадата или прекинот на транспортот веднаш влијае на цените на енергетските производи.
Аналитичарите предупредуваат дека долгорочната блокада на Ормускиот теснец може да предизвика хаос на европскиот пазар на гас и да предизвика драстичен пораст на цените.
Слични новости
„Шел“ предупредува дека Европа би можела да има недостиг од гориво веќе следниот месец
На Европа би можела да ѝ се закани недостиг на гориво уште следниот месец поради продлабочувањето на кризата на Блискиот Исток, предупреди шефот на „Шел“, Ваел Саван, пренесува британски Телеграф.
Цената на нафтата Брент денеска под 100 долари за барел
Според податоците на берзата, цената на сировата нафта падна за 6,02 насто на 86,77 долари по барел, а цената на нафтата Брент падна за 5,82 насто на 97,72 долари.
Приватниот сектор во еврозоната забави во март, пазарите веќе го вклакулираа порастот на каматите
Бизнис активноста во приватниот сектор на еврозоната во март е најбавна во изминатите десет месеци, бидејќи војната на Блискиот исток ги зголемува инфлаторните притисоци и го загрозува економското заздравување во Европа.