Британците денес почнаа панично да купуваат бензин поради војната на Блискиот Исток, со долги редици на бензинските пумпи во Лондон и низ цела Велика Британија, бидејќи возачите брзаа да наполнат гориво пред очекуваниот скок на цените на горивата.
Бензиските пумпи во Бекенам, јужен Лондон привремено останаа без гориво, а многу возачи пристигнуваа со канистри за да се снабдат за подолг временски период.
Стравот од недостиг на гориво е забележлив и во други градови во Велика Британија, објавува „Дејли меил“.
Претставниците на британската автомобилска асоцијација АА ги повикаа возачите да не паничат и да не купуваат гориво во големи количини, но голем број граѓани го игнорираа овој апел. Вработените на бензинските пумпи во Велика Британија пријавуваат застој и хаотично снабдување.
Ситуацијата беше предизвикана од разгорувањето на конфликтите на Блискиот Исток, по што компаниите привремено го прекинаа транспортот на бродови преку Ормускиот теснец, кој е клучен пат за глобалниот транспорт на нафта и течен природен гас. Околу 20 проценти од светската нафта и 25 проценти од течниот гас минуваат низ оваа рута, а блокадата или прекинот на транспортот веднаш влијае на цените на енергетските производи.
Аналитичарите предупредуваат дека долгорочната блокада на Ормускиот теснец може да предизвика хаос на европскиот пазар на гас и да предизвика драстичен пораст на цените.
Слични новости
Поради војната на Блискиот исток економистите очекуваат повисока инфлација и побавен раст во САД
Проекциите за економскиот раст на САД се намалени и сега проценката е дека растот на БДП-то во САД ќе изнесува 2,3 проценти, со послаба лична потрошувачка и побавен раст на вработувањата во првата половина од 2026.
Војната во Иран ги зголеми светските цени на ѓубривата за 40 насто
Војната во Иран резултираше со скок од 30-40% на цената на минералните ѓубрива од почетокот на годината, што ги загрозува меѓународните цени на храната.
Нафтата Брент надмина 112 долари и е на највисоко ниво во последните три години
Меѓународната референтна цена на суровата нафта Брент се зголеми за 4,22% и изнесува 112,57 долари на светските берзи, додека цените на американската сурова нафта се зголемија за 5,46% и се затворија на 99,64 долари за барел.