Британците денес почнаа панично да купуваат бензин поради војната на Блискиот Исток, со долги редици на бензинските пумпи во Лондон и низ цела Велика Британија, бидејќи возачите брзаа да наполнат гориво пред очекуваниот скок на цените на горивата.
Бензиските пумпи во Бекенам, јужен Лондон привремено останаа без гориво, а многу возачи пристигнуваа со канистри за да се снабдат за подолг временски период.
Стравот од недостиг на гориво е забележлив и во други градови во Велика Британија, објавува „Дејли меил“.
Претставниците на британската автомобилска асоцијација АА ги повикаа возачите да не паничат и да не купуваат гориво во големи количини, но голем број граѓани го игнорираа овој апел. Вработените на бензинските пумпи во Велика Британија пријавуваат застој и хаотично снабдување.
Ситуацијата беше предизвикана од разгорувањето на конфликтите на Блискиот Исток, по што компаниите привремено го прекинаа транспортот на бродови преку Ормускиот теснец, кој е клучен пат за глобалниот транспорт на нафта и течен природен гас. Околу 20 проценти од светската нафта и 25 проценти од течниот гас минуваат низ оваа рута, а блокадата или прекинот на транспортот веднаш влијае на цените на енергетските производи.
Аналитичарите предупредуваат дека долгорочната блокада на Ормускиот теснец може да предизвика хаос на европскиот пазар на гас и да предизвика драстичен пораст на цените.
Слични новости
Значаен пад на економската доверба и раст на неизвесноста во ЕУ
Економскиот сентимент во еврозоната во март падна, со значаен пораст на песимизам кај потрошувачите, покажува денеска објавениот извештај на Европската комисија.
Азиските берзи денеска во пад по изјавата на Трамп дека планира да го заземе иранскиот центар за извоз на нафта
Во Азија, каде што економиите се многу изложени на недостигот на нафта и гас што доаѓа од Заливот, берзите нагло паднаа. Јапонскиот Никеи падна за 3%, додека јужнокорејскиот Коспи падна за 3,4%.
Цената на нафтата Брент скокна на над 115 долари за барел
Цената на нафтата Брент во март порасна за повеќе од 55 насто, што е најбрз месечен раст било кога забележан во историјата, пренесе американската телевизија Си Ен Би СИ.