Британците денес почнаа панично да купуваат бензин поради војната на Блискиот Исток, со долги редици на бензинските пумпи во Лондон и низ цела Велика Британија, бидејќи возачите брзаа да наполнат гориво пред очекуваниот скок на цените на горивата.
Бензиските пумпи во Бекенам, јужен Лондон привремено останаа без гориво, а многу возачи пристигнуваа со канистри за да се снабдат за подолг временски период.
Стравот од недостиг на гориво е забележлив и во други градови во Велика Британија, објавува „Дејли меил“.
Претставниците на британската автомобилска асоцијација АА ги повикаа возачите да не паничат и да не купуваат гориво во големи количини, но голем број граѓани го игнорираа овој апел. Вработените на бензинските пумпи во Велика Британија пријавуваат застој и хаотично снабдување.
Ситуацијата беше предизвикана од разгорувањето на конфликтите на Блискиот Исток, по што компаниите привремено го прекинаа транспортот на бродови преку Ормускиот теснец, кој е клучен пат за глобалниот транспорт на нафта и течен природен гас. Околу 20 проценти од светската нафта и 25 проценти од течниот гас минуваат низ оваа рута, а блокадата или прекинот на транспортот веднаш влијае на цените на енергетските производи.
Аналитичарите предупредуваат дека долгорочната блокада на Ормускиот теснец може да предизвика хаос на европскиот пазар на гас и да предизвика драстичен пораст на цените.
Слични новости
Невработеноста во еврозоната благо порасна на 6,2 насто
На годишно ниво бројот на невработеноста во однос на февруари 2025 е падната за 124.000 луѓе. Најголема стапка на невработеност има клај младите и таа изнесува 14,9 насто.
Просечната нето заработувачка во Црна Гора во февруари 1.025 евра
Просечната нето заработувачка во Црна Гора во месец февруари изнесуваше 1.025 евра, а највисоките плати се забележани во финансиските дејсности и осигурувањето.
Цената на нафтата падна на помалку од 100 долари за барел
Цената на нафтата денеска падна на помалку од 100 долари за барел, а европските индекси бележат силен раст откако американскиот претседател Доналд Трамп изјави дека американската војска би можела да ги заврши акциите во Иран во рок од две до три недели.