Британците денес почнаа панично да купуваат бензин поради војната на Блискиот Исток, со долги редици на бензинските пумпи во Лондон и низ цела Велика Британија, бидејќи возачите брзаа да наполнат гориво пред очекуваниот скок на цените на горивата.
Бензиските пумпи во Бекенам, јужен Лондон привремено останаа без гориво, а многу возачи пристигнуваа со канистри за да се снабдат за подолг временски период.
Стравот од недостиг на гориво е забележлив и во други градови во Велика Британија, објавува „Дејли меил“.
Претставниците на британската автомобилска асоцијација АА ги повикаа возачите да не паничат и да не купуваат гориво во големи количини, но голем број граѓани го игнорираа овој апел. Вработените на бензинските пумпи во Велика Британија пријавуваат застој и хаотично снабдување.
Ситуацијата беше предизвикана од разгорувањето на конфликтите на Блискиот Исток, по што компаниите привремено го прекинаа транспортот на бродови преку Ормускиот теснец, кој е клучен пат за глобалниот транспорт на нафта и течен природен гас. Околу 20 проценти од светската нафта и 25 проценти од течниот гас минуваат низ оваа рута, а блокадата или прекинот на транспортот веднаш влијае на цените на енергетските производи.
Аналитичарите предупредуваат дека долгорочната блокада на Ормускиот теснец може да предизвика хаос на европскиот пазар на гас и да предизвика драстичен пораст на цените.
Слични новости
Европа може да се соочи со недостиг од дизел во мај
Азија досега беше најпогодена од прекините во снабдувањето со енергија од Блискиот Исток, а Европа би можела да се соочи со недостиг на дизел и авионско гориво најдоцна во мај
Светската Банка предупредува на економски последици од војната во Иран
Светската банка изрази сериозна загриженост за економските последици од војната во Иран, предупредувајќи на раст на инфлацијата, губење работни места и нарушување на снабдувањето со храна.
Цените на нафтата растат по обраќањето на Трамп до Американците
Цената на нафтата Брент повторно скокна и стигна до 107 долари по барел, што е раст повисок од 5 проценти во однос на вчерашниот ден, неколку часа откако американскиот претседател најави брзо завршување на војната со Иран