Досегашниот претседател на Регулаторната комисија за енергетика си поднесе оставка. Тој утрово преку писмо го информирал претседателот на Собранието дека се повлекува од функцијата на која за првпат беше избран во јуни 2018 година.
Бислимоски во оставката не ги навел причините за повлекувањето.
Неодамна Управата за финансиска полиција му поднесе кривична пријава за злоупотреба на службената положба и овластување.
Во пријавата поднесена на 29 јануари се наведува дека Бислимоски не постапил според Законот за енергетика и не ја одзел навреме лиценцата на компанијата „Тритерол петрол“ ДООЕЛ Скопје, иако не ги исполнувала условите за трговија со нафта и горива.
Лиценцата наводно требало да биде одземена во јануари 2024 година, но постапката била прекината со незаконско решение и лиценцата е одземена дури во април 2025 година.
Тоа и овозможило на компанијата да работи уште околу 15 месеци и за тој период остварила промет од над 3,15 милиони евра и противправна имотна корист од околу 229 илјади евра.
Бислимоски тогаш на прес-конференција рече дека ќе им ги стави на располагање сите информации на надлежните институции, со цел да докаже дека во постапката за одземање на лиценцата на компанијата не било направено никакво прекршување на законската регулатива.
Слични новости
Мицкоски: Имаме најниските цени на нафта и деривати во регионот
Состојбата со горивата во Македонија е стабилна вели премиерот Христијан Мицкоски кој порача дека во Македонија земјава има доволни количини горива и за граѓаните и компаниите.
Историски минимум за Трамп: Мнозинството Американци не се согласува со политиката на Белата куќа
Само 33 насто од испитаниците изјави дека го поддржува Доналд Трамп како претседател, додека дури 62 насто не ги одобруваат неговите потези. Особено е впечатливо дека дури 53 насто од анкетираните „силно се спротивставува“ на актуелниот курс на американската администрација.
Гостиварчанец осомничен за убиство, лажел дека татко му паднал во бањата
На 31 март 2026 година, во 01:50 часот, полициски службеници од Полициската станица Гостивар го лишија од слобода М.Д. (34) од Гостивар поради основано сомнение за сторено кривично дело „убиство“.