Астон Вила со 11 победи по ред, откако вечерва на гости го победија и Челси

Фудбалерите на Астон Вила вечерва го совладаа Челси со 2:1 на Стамфорд Бриџ, иако губеа со 0:1. Со ова Астон Вила постигна 11-та победа во низа во сите натпреварувања, а осма по ред во Премиер лигата. Со оваа победа Вила испиша историја, затоа што ваква серија успеси никогаш немало во историјата на клубот од Бирмингем.

Челси доминираше во првите 60 минути од натпреварот и заслужено водеше со 1:0. Но, потоа од клупата влезе Оли Воткинс и целосно го сврте натпреварот. Најпрвин Воткинс израмни на 1:1 во 63-тата минута од натпреварот, а потоа Астон Вила целосно ја презеде иницијативата и во 84-тата минута со вториот гол на Воткинс стигна до победата на Стамфорд Бриџ.

Астон Вила е трета во Премиер лигата само 3 бода зад водечкиот Арсенал и со еден бод заостаток зад второпласираниот Манчестер сити.