Анџелина Џоли посети граничeн премин кон Газа

Холивудскта актерка Анџелина Џоли ја посети египетската страна од граничниот премин Рафа кон палестинската енклава Појасот Газа.

Џоли ја посети египетската Црвена полумесечина за да добие увид во хуманитарните напори во блокираниот крајбрежен појас, соопштија извори од организацијата во петокот.

Џоли беше примена од регионалниот гувернер и беше придружувана на нејзината турнеја. Арапските медиуми објавија дека присутен е и претставник од американскиот Стејт департмент.

Потоа Џоли помогна во пакувањето хуманитарни залихи за Газа во симболичен гест и ја изрази својата благодарност за напорите на Египет. Таа, исто така, ја пофали клучната улога што ја играат волонтерите и персоналот во ефикасната дистрибуција на залихите и покрај бројните предизвици.

Најавена е нејзина посета во блиската болница „Ал-Ариш“ подоцна вечерта. Според египетски извори, таму актерката планира да се сретне со повредените Палестинци од Појасот Газа.

Џоли беше долгогодишен специјален пратеник на агенцијата за бегалци на ОН УНХЦР. Денес таа продолжува да ги посетува воените и кризните зони низ целиот свет за да привлече внимание кон страдањето на цивилите.

Рафа е единствениот граничен премин во Појасот Газа што не води директно до Израел. Преминот беше затворен за време на војната во Газа. Хуманитарните организации долго време бараат отворање на преминот.

globe

Слични новости