Според неодамнешните извештаи од американските разузнавачки служби, малку е веројатно дека Иран ќе го отвори Ормускиот теснец наскоро, бидејќи контролата врз преминот претставува единствена значајна предност на Техеран во однос на САД, објави „Ројтерс“ повикувајќи се на три извори.
Извештаите сугерираат дека Иран би можел да продолжи да го ограничува транзитот низ теснецот за да ги одржи високите цени на енергијата и да изврши притисок врз американскиот претседател Доналд Трамп да реагира брзо за време на петнеделниот конфликт, објави „Гардијан“.
Аналитичарите предупредуваат дека насилното отворање на преминот би можело да биде скапо и потенцијално да ги доведе САД во долготраен копнен конфликт.
Извештаите, исто така, укажуваат дека војната, иако има за цел намалување на иранската воена моќ, би можела да го зајакне регионалното влијание на Техеран, демонстрирајќи ја неговата способност да се закани на клучен воден пат.
Слични новости
САД најавија блокада на иранските пристаништа
Од денеска САД ќе воведат блокада на иранските пристаништа со цел да се спречи движењето на бродови по клучната рута за транспорт на нафта и гас, објави претседателот Доналд Трамп. Тој најави „целосна блокада“ на Ормуска Теснина по неуспешните мировни преговори со Иран.
Тиса на Петар Маѓар убедлив победник на изборите во Унгарија, Орбан падна по 16 години на власт
На вчерашните избори во Унгарија опозициската партија Тиса на Петар Маѓар е спектакуларен победник, откако според првичните резутати на изборната комисија освои дури 138 места од 199-те места во парламентот и самата ќе има двотретинско мнозинство.
Исламабад под високи безбедносни мерки пред клучните преговори САД – Иран
Пакистанската престолнина денеска е под засилени безбедносни мерки и речиси целосно мирна, додека властите го затворија градот пред почетокот на преговорите меѓу САД и Иран, чија цел е постигнување траен прекин на огнот по повеќенеделен конфликт.