Два дрона ја погодија американската амбасада во саудискиот главен град Ријад, според прелиминарните информации од властите објавени рано утрово,
Американската амбасада им порача на своите граѓани веднаш да најдат засолниште и да ја избегнуваат амбасадата до дополнително известување поради напад врз објектот. Исто така, беше издадено известување за засолнување во Џеда и Дахран и беше ограничено секое патување кое не е неопходно до воените објекти во регионот.
Во амбасадата избувнал „ограничен пожар“, предизвикувајќи помала материјална штета, соопшти портпаролот на Министерството за одбрана на Саудиска Арабија.
Министерството за одбрана подоцна соопшти дека дополнителни осум дронови биле пресретнати и уништени во близина на Ријад и Ал-Карџ.
Претходно, Стејт департментот на САД ги повика американските граѓани веднаш да напуштат повеќе од десет земји на Блискиот Исток, вклучително и Израел, поради безбедносни ризици во услови на воената ескалација во регионот.
Слични новости
Израел: Војната со Иран може да трае долго
Началникот на Генералштабот на израелската армија, генерал-потполковник Ејал Замир, предупреди дека војната со Иран може да трае долго и ги повика офицерите да се подготват за продолжен конфликт.
Експлозија во синагога во Белгија
Во синагогата во белгискиот град Лиеж рано утринава се случи експлозија во која нема повредени. Белгиските медиуми пренесуваат дека е причинета материјана штета врз синагогата.
Иран покрена нов бран ракетни напади со порака за лојалност кон новиот водач
Иран започна нов бран напади со ракети и дронови на течно и цврсто гориво, меѓу кои се ракетите „Хорамшахр“, „Фатах“ и „Хеибар“. Иранците кои се шиити, нападите главно ги насочија кон сунитски земји.