Народната банка ја објави постапката за продажба на доминантниот акционерски пакет во Банката. Станува збор за 372.742 обични акции, односно 95,336% од вкупниот број акции, во сопственост на „Алта банка“ АД Белград – во стечај.

Продажбата ќе се спроведе преку Македонската берза на хартии од вредност, по моделот „сè или ништо“, што значи дека се продава целиот понуден акционерски пакет, без можност за купување само на дел од акциите.

Првата јавна берзанска аукција е закажана за 30 ноември 2026 година. Почетната цена е утврдена врз основа на тековната берзанска цена и изнесува 3.777 денари по акција.

Доколку акциите не бидат продадени на првата аукција, следните аукции ќе се одржуваат последователно, на 1, 2, 3, 4 и 7 декември 2026 година. На секоја наредна аукција почетната цена ќе биде намалена за 10% во однос на почетната цена на претходната аукција.

Заинтересираните инвеститори треба најдоцна до 19 ноември 2026 година да достават барање до Народната банка за добивање претходна согласност за стекнување квалификувано учество во Банката, како и писмена изјава дека ќе ги уплатат средствата потребни за купување на акциите.

 

Слични новости

Наредниот период врнежливо, најобилни дождови се очекуваат во недела и понеделник

Наредниот период врнежливо, најобилни дождови се очекуваат во недела и понеделник

Променливо облачно време со повремени врнежи од дожд нè очекува во следните денови. Дождот ќе биде поизразен попладне и во текот на ноќта, а во недела и понеделник на одделни места се очекуваат и пообилни врнежи.

ВМРО ДПМНЕ жестоко реагираше на одлуката на Врховниот суд со која се укинаа пресудите за поранешните директори на болницата во тетово

ВМРО ДПМНЕ жестоко реагираше на одлуката на Врховниот суд со која се укинаа пресудите за поранешните директори на болницата во тетово

Врховниот суд на Африм Фидани, диригиран од Филипче и Ахмети, ги ослободува од вина директорите на Тетовската болница во која се запали модуларната болница. Каков срам за правосудството во Македонија“ – рече Петрушевски од ВМРО-ДПМНЕ